ದೈನಂದಿನ ಹಣಕಾಸು ವಹಿವಾಟಿಗೆ ಬ್ಯಾಂಕ್ಗಳನ್ನು ಅವಲಂಬಿಸಿರುವ ಗ್ರಾಹಕರು, ರೈತರು ಹಾಗೂ ಉದ್ಯಮಿಗಳು ಗಮನಿಸಲೇಬೇಕಾದ ಪ್ರಮುಖ ಸುದ್ದಿಯಿದು. ಪ್ರಸಕ್ತ ಮಾರ್ಚ್ ತಿಂಗಳಲ್ಲಿ ಕರ್ನಾಟಕದಲ್ಲಿ ಸಾಲು ಸಾಲು (Bank Holidays) ರಜೆಗಳಿದ್ದು, ನಿಮ್ಮ ಬ್ಯಾಂಕ್ ಕೆಲಸಗಳನ್ನು ಈಗಲೇ ಪ್ಲಾನ್ ಮಾಡಿಕೊಳ್ಳುವುದು ಉತ್ತಮ. ಏಕೆಂದರೆ, ಭಾನುವಾರ ಹಾಗೂ ಶನಿವಾರದ ಸಾಮಾನ್ಯ ರಜೆಗಳ ಜೊತೆಗೆ ಯುಗಾದಿ, ರಂಜಾನ್ ಸೇರಿದಂತೆ ಪ್ರಮುಖ ಹಬ್ಬಗಳ ಸಾಲು ರಜೆಗಳು ಈ ತಿಂಗಳಲ್ಲಿವೆ.
ಕೆನರಾ ಬ್ಯಾಂಕ್, ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಹಾಗೂ ಇತರೆ ಬ್ಯಾಂಕ್ಗಳು ಬಿಡುಗಡೆ ಮಾಡಿರುವ 2026ರ ಅಧಿಕೃತ ರಜಾ ಪಟ್ಟಿ ಹಾಗೂ ರಾಜ್ಯ ಸರ್ಕಾರದ ಅಧಿಕೃತ ಕ್ಯಾಲೆಂಡರ್ ಪ್ರಕಾರ, ಮಾರ್ಚ್ ತಿಂಗಳಲ್ಲಿ ಕರ್ನಾಟಕದಲ್ಲಿ ಒಟ್ಟು 10 ದಿನಗಳ ಕಾಲ ಬ್ಯಾಂಕ್ಗಳು ಕಾರ್ಯನಿರ್ವಹಿಸುವುದಿಲ್ಲ. ಮಾರ್ಚ್ ಆರ್ಥಿಕ ವರ್ಷಾಂತ್ಯದ (Financial Year End) ತಿಂಗಳಾಗಿರುವುದರಿಂದ, ಹಣಕಾಸಿನ ಲೆಕ್ಕಾಚಾರ, ತೆರಿಗೆ ಪಾವತಿ ಸೇರಿದಂತೆ ಹಲವು ತುರ್ತು ಕೆಲಸಗಳಿರುತ್ತವೆ. ಹೀಗಾಗಿ ರಜಾ ದಿನಗಳನ್ನು ನೋಡಿಕೊಂಡು ಬ್ಯಾಂಕ್ಗೆ ಭೇಟಿ ನೀಡುವುದು ಜಾಣತನ.
Karnataka Bank Holidays In March 2026:
ಈ ಕೆಳಗಿನ ದಿನಾಂಕಗಳಂದು ಕರ್ನಾಟಕದಾದ್ಯಂತ ಬ್ಯಾಂಕ್ಗಳು ಮುಚ್ಚಿರಲಿವೆ:
- ಮಾರ್ಚ್ 1: ಭಾನುವಾರ (ವಾರದ ರಜೆ).
- ಮಾರ್ಚ್ 8: ಭಾನುವಾರ (ವಾರದ ರಜೆ).
- ಮಾರ್ಚ್ 14: ಎರಡನೇ ಶನಿವಾರ (ಬ್ಯಾಂಕ್ ರಜೆ).
- ಮಾರ್ಚ್ 15: ಭಾನುವಾರ (ವಾರದ ರಜೆ).
- ಮಾರ್ಚ್ 19: ಯುಗಾದಿ ಹಬ್ಬ (Ugadi Festival).
- ಮಾರ್ಚ್ 21: ಈದ್-ಉಲ್-ಫಿತರ್ / ರಂಜಾನ್ (Ed-Ul-Fittr).
- ಮಾರ್ಚ್ 22: ಭಾನುವಾರ (ವಾರದ ರಜೆ).
- ಮಾರ್ಚ್ 28: ನಾಲ್ಕನೇ ಶನಿವಾರ (ಬ್ಯಾಂಕ್ ರಜೆ).
- ಮಾರ್ಚ್ 29: ಭಾನುವಾರ (ವಾರದ ರಜೆ).
- ಮಾರ್ಚ್ 31: ಮಹಾವೀರ ಜಯಂತಿ (Mahavir Jayanti).
(ಗಮನಿಸಿ: ಏಪ್ರಿಲ್ ತಿಂಗಳಲ್ಲೂ ಗುಡ್ ಫ್ರೈಡೇ (ಏಪ್ರಿಲ್ 03), ಡಾ. ಬಿ.ಆರ್. ಅಂಬೇಡ್ಕರ್ ಜಯಂತಿ (ಏಪ್ರಿಲ್ 14) ಹಾಗೂ ಬಸವ ಜಯಂತಿ (ಏಪ್ರಿಲ್ 20) ಪ್ರಯುಕ್ತ ಬ್ಯಾಂಕ್ಗಳಿಗೆ ಸಾರ್ವಜನಿಕ ರಜೆ ಇರಲಿದೆ. ಜೊತೆಗೆ ಆರ್ಥಿಕ ವರ್ಷದ ಆರಂಭದ ದಿನವಾದ ಏಪ್ರಿಲ್ 1 ರಂದು ವಾರ್ಷಿಕ ಲೆಕ್ಕಾಚಾರದ ಕಾರಣಕ್ಕೆ (Annual Closing of Bank Accounts) ಗ್ರಾಹಕರಿಗೆ ಬ್ಯಾಂಕ್ ಸೇವೆ ಇರುವುದಿಲ್ಲ).
“ಬ್ಯಾಂಕ್ಗಳಿಗೆ ಸಾಲು ಸಾಲು ರಜೆಗಳಿದ್ದರೂ, ಗ್ರಾಹಕರು ಆತಂಕಪಡುವ ಅಗತ್ಯವಿಲ್ಲ. ಬ್ಯಾಂಕ್ ಶಾಖೆಗಳು ಮಾತ್ರ ಮುಚ್ಚಿರುತ್ತವೆಯೇ ಹೊರತು, ಡಿಜಿಟಲ್ ಸೇವೆಗಳಲ್ಲ. ಎಟಿಎಂ (ATM), ಇಂಟರ್ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಹಾಗೂ ಯುಪಿಐ (Google Pay, PhonePe) ಸೇವೆಗಳು ಎಂದಿನಂತೆ 24×7 ಕಾರ್ಯನಿರ್ವಹಿಸಲಿವೆ. ತುರ್ತು ಹಣ ವರ್ಗಾವಣೆಗೆ ನೀವು ಡಿಜಿಟಲ್ ವೇದಿಕೆಗಳನ್ನು ಬಳಸಿಕೊಳ್ಳಬಹುದು. ಆದರೆ, ಡಿಡಿ (DD), ಚೆಕ್ ಕ್ಲಿಯರೆನ್ಸ್, ಸಾಲದ ಪ್ರಕ್ರಿಯೆ ಮತ್ತು ಕೆವೈಸಿ (KYC) ಅಪ್ಡೇಟ್ನಂತಹ ಕೆಲಸಗಳಿದ್ದರೆ ರಜಾ ದಿನಗಳನ್ನು ಹೊರತುಪಡಿಸಿ ಬ್ಯಾಂಕ್ಗೆ ಭೇಟಿ ನೀಡಿ.”