ಟಿ20 ಕ್ರಿಕೆಟ್ನ ಅತಿದೊಡ್ಡ ಹಬ್ಬ ‘ಇಂಡಿಯನ್ ಪ್ರೀಮಿಯರ್ ಲೀಗ್’ (IPL 2026) 19ನೇ ಆವೃತ್ತಿಯ ಮೊದಲ ಹಂತದ ವೇಳಾಪಟ್ಟಿಯನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಅಧಿಕೃತವಾಗಿ ಪ್ರಕಟಿಸಿದೆ.
ಈ ಮೂಲಕ ಕ್ರಿಕೆಟ್ ಪ್ರೇಮಿಗಳ ಕಾತುರಕ್ಕೆ ತೆರೆಬಿದ್ದಿದ್ದು, ಇದೇ ಮಾರ್ಚ್ 28 ರಿಂದ ಸಿಕ್ಸರ್-ಬೌಂಡರಿಗಳ ಸುರಿಮಳೆ ಶುರುವಾಗಲಿದೆ.
ಬೆಂಗಳೂರಿನಲ್ಲಿ ಉದ್ಘಾಟನಾ ಪಂದ್ಯದ ಸಂಭ್ರಮ!:
ಕರ್ನಾಟಕದ ಕ್ರಿಕೆಟ್ ಅಭಿಮಾನಿಗಳಿಗೆ, ವಿಶೇಷವಾಗಿ ಆರ್ ಸಿ ಬಿ ಫ್ಯಾನ್ಸ್ ಗೆ ಇದೊಂದು ಬಂಪರ್ ಸುದ್ದಿ. ಟೂರ್ನಿಯ ಬಹುನಿರೀಕ್ಷಿತ ಉದ್ಘಾಟನಾ ಪಂದ್ಯವು (ಮಾರ್ಚ್ 28) ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಹಾಲಿ ಚಾಂಪಿಯನ್ಸ್ ‘ರಾಯಲ್ ಚಾಲೆಂಜರ್ಸ್ ಬೆಂಗಳೂರು’ (RCB) ತಂಡವು ‘ಸನ್ರೈಸರ್ಸ್ ಹೈದರಾಬಾದ್’ (SRH) ವಿರುದ್ಧ ಕಣಕ್ಕಿಳಿಯುವ ಮೂಲಕ ಅಭಿಯಾನ ಆರಂಭಿಸಲಿದೆ.
ಕೇವಲ 20 ಪಂದ್ಯಗಳ ವೇಳಾಪಟ್ಟಿ ಪ್ರಕಟಿಸಿದ್ದೇಕೆ?:
ಬಿಸಿಸಿಐ ಸದ್ಯಕ್ಕೆ ಮಾರ್ಚ್ 28 ರಿಂದ ಏಪ್ರಿಲ್ 12 ರವರೆಗಿನ ಕೇವಲ 20 ಪಂದ್ಯಗಳ ಪಟ್ಟಿಯನ್ನು ಮಾತ್ರ ಬಿಡುಗಡೆ ಮಾಡಿದೆ. ಇದಕ್ಕೆ ಪ್ರಮುಖ ಕಾರಣ ಮುಂಬರುವ ವಿಧಾನಸಭಾ ಚುನಾವಣೆ. ದೇಶದ ಮೂರು ರಾಜ್ಯಗಳಲ್ಲಿ ಶೀಘ್ರದಲ್ಲೇ ಚುನಾವಣೆ ನಡೆಯಲಿರುವ ಹಿನ್ನೆಲೆಯಲ್ಲಿ, ಚುನಾವಣಾ ಆಯೋಗವು ದಿನಾಂಕಗಳನ್ನು ಘೋಷಿಸಿದ ನಂತರವೇ ಟೂರ್ನಿಯ ಉಳಿದ ಪಂದ್ಯಗಳ ಪೂರ್ಣ ವೇಳಾಪಟ್ಟಿಯನ್ನು ಪ್ರಕಟಿಸಲಾಗುವುದು ಎಂದು ಬಿಸಿಸಿಐ ತಿಳಿಸಿದೆ.
ಬೆಂಗಳೂರು ಪಂದ್ಯಗಳ ಬಗ್ಗೆ ಒಂದು ಮುಖ್ಯವಾದ ಸೂಚನೆ:
ಬೆಂಗಳೂರಿನಲ್ಲಿ ಐಪಿಎಲ್ ಪಂದ್ಯಗಳನ್ನು ನಡೆಸುವ ಕುರಿತು ರಾಜ್ಯ ಸರ್ಕಾರ ರಚಿಸಿರುವ ತಜ್ಞರ ಸಮಿತಿಯಿಂದ ಅನುಮೋದನೆ ಪಡೆಯುವುದು ಕಡ್ಡಾಯವಾಗಿದೆ. ಮಾರ್ಚ್ 13 ರಂದು ಸಮಿತಿಯು ಚಿನ್ನಸ್ವಾಮಿ ಸ್ಟೇಡಿಯಂಗೆ ಭೇಟಿ ನೀಡಿ ಭದ್ರತೆ ಮತ್ತು ವ್ಯವಸ್ಥೆಗಳ ಬಗ್ಗೆ ಅಣಕು ಪ್ರದರ್ಶನ (Mock demonstration) ಹಾಗೂ ಪರಿಶೀಲನೆ ನಡೆಸಲಿದ್ದು, ಅದರ ಆಧಾರದ ಮೇಲೆ ಅಂತಿಮ ನಿರ್ಧಾರ ಹೊರಬೀಳಲಿದೆ.
TATA IPL 2026 Schedule: ಮೊದಲ ಹಂತದ ಅಧಿಕೃತ ವೇಳಾಪಟ್ಟಿ ಇಲ್ಲಿದೆ:
| ದಿನಾಂಕ | ಸಮಯ | ಪಂದ್ಯ (Match) | ಸ್ಥಳ |
|---|---|---|---|
| ಮಾರ್ಚ್ 28 | ರಾತ್ರಿ 7:30 | RCB vs SRH | ಬೆಂಗಳೂರು |
| ಮಾರ್ಚ್ 29 | ರಾತ್ರಿ 7:30 | MI vs KKR | ಮುಂಬೈ |
| ಮಾರ್ಚ್ 30 | ರಾತ್ರಿ 7:30 | RR vs CSK | ಗುವಾಹಟಿ |
| ಮಾರ್ಚ್ 31 | ರಾತ್ರಿ 7:30 | PBKS vs GT | ನ್ಯೂ ಚಂಡೀಗಡ |
| ಏಪ್ರಿಲ್ 1 | ರಾತ್ರಿ 7:30 | LSG vs DC | ಲಕ್ನೋ |
| ಏಪ್ರಿಲ್ 2 | ರಾತ್ರಿ 7:30 | KKR vs SRH | ಕೊಲ್ಕತ್ತಾ |
| ಏಪ್ರಿಲ್ 3 | ರಾತ್ರಿ 7:30 | CSK vs PBKS | ಚೆನ್ನೈ |
| ಏಪ್ರಿಲ್ 4 | ಮಧ್ಯಾಹ್ನ 3:30 | DC vs MI | ಡೆಲ್ಲಿ |
| ಏಪ್ರಿಲ್ 4 | ರಾತ್ರಿ 7:30 | GT vs RR | ಅಹಮದಾಬಾದ್ |
| ಏಪ್ರಿಲ್ 5 | ಮಧ್ಯಾಹ್ನ 3:30 | SRH vs LSG | ಹೈದರಾಬಾದ್ |
| ಏಪ್ರಿಲ್ 5 | ರಾತ್ರಿ 7:30 | RCB vs CSK | ಬೆಂಗಳೂರು |
| ಏಪ್ರಿಲ್ 6 | ರಾತ್ರಿ 7:30 | KKR vs PBKS | ಕೊಲ್ಕತ್ತಾ |
| ಏಪ್ರಿಲ್ 7 | ರಾತ್ರಿ 7:30 | RR vs MI | ಗುವಾಹಟಿ |
| ಏಪ್ರಿಲ್ 8 | ರಾತ್ರಿ 7:30 | DC vs GT | ಡೆಲ್ಲಿ |
| ಏಪ್ರಿಲ್ 9 | ರಾತ್ರಿ 7:30 | KKR vs LSG | ಕೊಲ್ಕತ್ತಾ |
| ಏಪ್ರಿಲ್ 10 | ರಾತ್ರಿ 7:30 | RR vs RCB | ಗುವಾಹಟಿ |
| ಏಪ್ರಿಲ್ 11 | ಮಧ್ಯಾಹ್ನ 3:30 | PBKS vs SRH | ನ್ಯೂ ಚಂಡೀಗಡ |
| ಏಪ್ರಿಲ್ 11 | ರಾತ್ರಿ 7:30 | CSK vs DC | ಚೆನ್ನೈ |
| ಏಪ್ರಿಲ್ 12 | ಮಧ್ಯಾಹ್ನ 3:30 | LSG vs GT | ಲಕ್ನೋ |
| ಏಪ್ರಿಲ್ 12 | ರಾತ್ರಿ 7:30 | MI vs RCB | ಮುಂಬೈ |