ಪೊಲೀಸ್ ಹುದ್ದೆಯ ಕನಸು ಕೈಬಿಟ್ಟಿದ್ದ ಯುವಕ-ಯುವತಿಯರಿಗೆ ರಾಜ್ಯ ಸರ್ಕಾರ ಬಂಪರ್ ಸಿಹಿಸುದ್ದಿ ನೀಡಿದೆ. ಪೊಲೀಸ್ ಕಾನ್ಸ್ಟೇಬಲ್ (PC) ಮತ್ತು ಸಬ್-ಇನ್ಸ್ಪೆಕ್ಟರ್ (PSI) ಸೇರಿದಂತೆ ರಾಜ್ಯ ಸಿವಿಲ್ ಸೇವೆಗಳ ನೇರ ನೇಮಕಾತಿಯಲ್ಲಿ ಗರಿಷ್ಠ ವಯೋಮಿತಿಯನ್ನು 5 ವರ್ಷ ಸಡಿಲಿಕೆ ಮಾಡಿ ಪೊಲೀಸ್ ಇಲಾಖೆ ಇದೀಗ ಅಧಿಕೃತ ಆದೇಶ ಹೊರಡಿಸಿದೆ.
ಈ ವಯೋಮಿತಿ ಸಡಿಲಿಕೆ ಯಾರಿಗೆಲ್ಲ ಸಿಗುತ್ತದೆ? ಇದು ಎಷ್ಟು ವರ್ಷಗಳವರೆಗೆ ಅನ್ವಯವಾಗುತ್ತದೆ? ಈ ಹೊಸ ಆದೇಶದ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ:
- ಎಲ್ಲರಿಗೂ ಅನ್ವಯ: ರಾಜ್ಯ ಸರ್ಕಾರವು 2026ರ ಜನವರಿ 29 ರಂದು ಹೊರಡಿಸಿದ ಆದೇಶದ (ಸಿಆಸುಇ 262 ಸೇನೆನಿ 2025) ಅನ್ವಯ, ಪೊಲೀಸ್ ಮಹಾನಿರ್ದೇಶಕರ ಕಚೇರಿಯು ಇಂದು (ಮಾರ್ಚ್ 24, 2026) ಈ ಅಧಿಕೃತ ಸುತ್ತೋಲೆ ಪ್ರಕಟಿಸಿದೆ.
- ಒಂದು ಬಾರಿಯ ಅವಕಾಶ: ಇದೊಂದು ‘ಒಂದು ಬಾರಿಯ ಕ್ರಮ’ (One-time measure) ಆಗಿದ್ದು, ಯಾವುದೇ ತಾರತಮ್ಯವಿಲ್ಲದೆ ಎಲ್ಲಾ ಪ್ರವರ್ಗದ (Categories) ಅಭ್ಯರ್ಥಿಗಳಿಗೂ ಈ 5 ವರ್ಷ ವಯೋಮಿತಿ ಸಡಿಲಿಕೆಯ ಲಾಭ ಸಿಗಲಿದೆ.
- ಕಾಲಮಿತಿ: ಡಿಸೆಂಬರ್ 31, 2027 ರವರೆಗೆ ಹೊರಡಿಸಲಾಗುವ ಎಲ್ಲಾ ನೇರ ನೇಮಕಾತಿ ಅಧಿಸೂಚನೆಗಳಿಗೂ ಈ ವಯೋಮಿತಿ ಸಡಿಲಿಕೆ ಕಡ್ಡಾಯವಾಗಿ ಅನ್ವಯವಾಗುತ್ತದೆ.
- ಸೂಚನೆ: ಈ ಆದೇಶದ ಕುರಿತು ಮುಂದಿನ ನೇಮಕಾತಿ ಪ್ರಕ್ರಿಯೆಗಳಲ್ಲಿ ಸೂಕ್ತ ಕ್ರಮ ಕೈಗೊಳ್ಳುವಂತೆ ಪೊಲೀಸ್ ನೇಮಕಾತಿ ವಿಭಾಗದ ಮಹಾನಿರ್ದೇಶಕರು ಹಾಗೂ ಎಲ್ಲಾ ಘಟಕಾಧಿಕಾರಿಗಳಿಗೆ ಇಲಾಖೆ ಸೂಚನೆ ರವಾನಿಸಿದೆ.
ಇದು ಪೊಲೀಸ್ ಉದ್ಯೋಗಕ್ಕಾಗಿ ವರ್ಷಗಳಿಂದ ಕಾಯುತ್ತಿದ್ದ ಲಕ್ಷಾಂತರ ಅಭ್ಯರ್ಥಿಗಳಿಗೆ ದೊಡ್ಡ ರಿಲೀಫ್ ಕೊಟ್ಟಿದೆ. ನಿಮ್ಮ ವಯಸ್ಸು ಮೀರಿದೆ ಎಂದು ನಿರಾಸೆಯಾಗಿದ್ದರೆ, ಈಗಲೇ ನಿಮ್ಮ ಓದು ಮತ್ತು ದೈಹಿಕ ಪರೀಕ್ಷೆಗಳ ತಯಾರಿಯನ್ನು ಮತ್ತಷ್ಟು ಚುರುಕುಗೊಳಿಸಿ.
- ಇದನ್ನೂ ಓದಿ: ಕರ್ನಾಟಕ ಹೈಕೋರ್ಟ್ ನೇಮಕಾತಿ 2026
- ಇದನ್ನೂ ಓದಿ: SSB Recruitment 2026: 10 ನೇ ತರಗತಿ ಪಾಸಾದವರಿಗೆ ಉದ್ಯೋಗವಕಾಶ